(für eusebius wirdeier)
Rään un sonnesching un harel,
eijelstein un wiggejass.
lang nit mieh heher jefahre,
och nit wirklich jet verpass.
sonnebank un dönerbuude,
ahn un verkauf, jlitzerkroom,
eimohl mieh erinnjeroode,
en die schattesick vum dom.
Hä stund ťunger krahnebäumeŤ
‘n hätt die strooß eraffjeluhrt
un fing widder ahn zo dräume,
wat dann jedesmohl jet duhrt.
all die chargesheimer fotos
woote eimohl mieh zom film,
lapidar, doch nie belanglos,
lautlos, doch nie wirklich still.
Jrööne well op dä nord-südfahrt,
jrundlos weed nit amputiert
un dä rest fällt unger ťschicksalŤ,
dat sich noh un noh verliert.
nix erinnert mieh ahn kirmes,
prozessione, karneval,
klüttewaare, jipsmadonnas,
juno-rund un damenwahl.
Hä stund ťunger krahnebäumeŤ
‘n hätt die strooß eraffjeluhrt
un fing widder ahn zo dräume,
wat dann jedesmohl jet duhrt.
all die chargesheimer fotos
woote eimohl mieh zom film,
lapidar, doch nie belanglos,
lautlos, doch nie wirklich still.
Un als nachspann leef dä text aff,
dä’e fass usswendisch kann,
vun anarchische jesetze
un symbol ’op ruudem samp,
vun dämm saft, dä mer nit opfert,
dä zo kostbar ess für kreesch,
troubadoure`n mandoline,
bloome’m hoor un ruudem leesch.
Jrööne well op dä nord-südfahrt,
jrundlos weed nit amputiert
un dä rest fällt unger ťschicksalŤ,
dat sich noh un noh verliert.
nix erinnert mieh ahn kirmes,
prozessione, karneval,
klüttewaare, jipsmadonnas,
juno-rund un damenwahl.
Hä stund ťunger krahnebäumeŤ
‘n hätt die strooß eraffjeluhrt
un fing widder ahn zo dräume,
wat dann jedesmohl jet duhrt.

Übersetzung kölsch-deutsch:
unger krahnebäume, eijelstein, wiggejass –
unter krahnenbäumen, eigelstein, weidengasse (kölner strassen)
nit mieh – nicht mehr
erinnjeroode – hineingerate
schattesick – schattenseite
eraffjeluhrt – herabgeschaut
jet duhrt – etwas dauert
chargesheimer – kölner fotograf ( 1924-1971 )
nord-süd-fahrt – kölner hauptverkehrsachse
noh un noh – nach und nach
klüttewaare – brikettwagen
juno rund – zigarettenmarke
samp – samt
kreesch – krieg
bloome`m hoor – blumen im haar
ruudem leesch – rotem licht