Als ‘t gebeurt da’ j’ nie kunt slapen
omdat de regen slaat op ‘t glas
of van de wind die het dak doe kraken
of omdat je stappen hoort in ‘t gras
kom dan bie mie om je te warmen
‘k maak een kamer voor u gereed
‘k zal u wiegen in mijn armen
‘k zal u duiken in mijn kleed.
der komen soms zo’n donkre dagen
dat de lucht nie openklaart
het leven is soms zwaar te dragen
da’ j’ liever nie geboren waart
kom dan bie mie om je te warmen
‘k maak een kamer voor u gereed
‘k zal u wiegen in mijn armen
‘k zal u duiken in mijn kleed.
zeg toch nooit ‘k wil nie meer leven
d’er is met joen dood niemand gebaat
dank zij joen hé ‘k dit geschreven
gie die mijn lied zo wel verstaat
kom dan bie mie om je te warmen
‘k maak een kamer voor u gereed
‘k zal u wiegen in mijn armen
‘k zal u duiken in mijn kleed
als mijn gezang gedaan zal g’raken
en ‘k nie meer wete wat verteld
als ‘t gebeurt da’k nie kan slapen
van duizend angsten ben gekweld
kom ik bie joen om mie te warmen
maak dan een kamer voor mie gereed
je moe mie dan wiegen in joen armen
en mie duiken in joen kleed.